لما اغير عليك من ضلك
لما افارقك لجل حبك
لما اعيش انا فوق ارادتك
دا يبقي معناه ايه
لما اكون على الشوك بخطى
ولما احبك وبارادتى
ولما اعيش واحلم بحضنك
دا يبقى معناه ايه
ولما احس انى الحبيب
وفي لحظة واحدة اكون غريب
واكون الجرح وانتى الطبيب
دا يبقي معناه ايه
ولما حياتى تكون بايديك
ولما اشوف كل شئ بعنيك
ولما اعيش واموت انا فيك
دا يبقي معناه ايه
لما احبك حب تانى
حب آه قاسي وانانى
ولما اكون عايزك عشانى
دا يبقي معناه ايه
ولما تكون كل حاجة
وبالنسبة ليا انت السعادة
انت العمل وانتى العبادة
دا يبقى معناه ايه
ولما لمسة ايديك تحيينى
ولما تكونى النور لعينى
ولما اشيلك جوا جفونى
دا يبقي معناه ايه
ولما اكونلك انسان جديد
انسان بقلب مهوش حديد
ويوم لقاك دا يبقي عيد
دا يبقي معناه ايه
ولما تكون انت الحياه
وانت الهواء وانت المياه
وفي عروقي انت الدماء
دا يبقي معناه ايه
ولما احبك واموت انا فيك
واموت لو فيه غيرى فى عنيك
ولما اتوه ارجع الاقيك
دا يبقي معناه ايه
لما للحياه تكون سببي
وفي السماء تكون قمرى
وفي الدنيا انت تكون قدرى
دا يبقي معناه ايه
دا يبقي معناه ايه
معناه اقولك انا عليه
بحبك يا ......
0 التعليقات:
إرسال تعليق