مش هقبل اعيش وياك
ولا هرمي نفسي في حضن هلاك
ابعد عني وانا هنساك
ومين مجنون يعيش وياك
انسى بقا حبيبك اللي هواك
واللي اتمنى في يوم يعيش معاك
شوف حد غيري يحبك ويستناك
دور على واحد يتمنى لقاك
وتسيبه زيي ما انته عامل ملاك
اه كتيير حبوك وكتيير كرهوك
وفي اللي نسوك
وفي اللي لسه بيحبوك
بس انا مين انا
انا ضاع عمري هنا
في مكان جمعنا ببعضنا
وفيه سيبنا حبنا
حبنا اللي كان من قلبنا
وكان احسن حاجه عندنا
فين انته دلوقتي وفين انا
احنا حبيبين نسينا بعضنا
ومين اللي اتجرح انته ولا انا
حب وضاع مننا
جرح وعمر في قلبنا
ولا انته نسيت ولا انا
وضاع مع حبنا حلمنا
حلمنا اللي كتبنا مع بعضنا
بقينا اتنين منعرفش بعضنا
وايه اللي في النهايه يهمنا
ما احنا خلاص الحب راح من قلبنا
والجرح بقا اسهل حاجه عندنا
خلاص بقا يجري في شرايين دمنا
وكان مين يعني قلنا
نجرح ونسيب بعضنا
مش ده عقلنا ولا حاجه ضاعت مننا
كنا اتنين عايشين حلمنا
فارحنين بحبنا
طايريين في السما
ولا شئ في دنيتنا يهمنا
وهبنا لبعض عمرنا
عشنا انا وانته لحظات الهنا
كان باب السعد مفتوح لنا
بس خلاص مفتاحه ضاع مننا
والفراق بقا متقدر لنا
والبعد بقا الطريق بينك وبيني انا
0 التعليقات:
إرسال تعليق